Still Loving You

CHAPTER 7

AN: Pasensiya na po kung matagal na walang update si author, may nilalakad po kasi ako. Mediyo busy na kaya pasensiya na po talaga, sana’y nakakaapaghintay kayo. 😊

————

=====================
COLD HUSBAND
=====================

NAGISING akong wala na sa tabi ko si Kobe, masaya ako sa nangyari sa amin kagabibat buong puso ko ‘yon na ibinigay sa kaniya. May posibilidad na mabuntis ako o hindi, gano’n pa man hindi ko ito pinagsisihan at kung sakaling wala talagang pag-asa na mahalin niya ako.

Naligo ako at pagkatapos ay nagbihis upang hanapin ang asawa ko, paglabas ko ng room nakita ko pa si Adrian ang isa sa kaibigan ni, Kobe.

“Ikaw pala, Camilla. Nag-breakfast na sila doon sunod ka na lang sa kitchen.” Nakangiting sabi nito at tumalikod dahil may kausap sa cellphone nito.

Tumango lang ako sa kaniya at nagsimula ng maglakad, bumaba ako ng hagdan at narinig ko agad ang mga boses doon sa labas pa lang ng pinto . Pero pagpasok ko sa loob bigla silang natahimik at nginitian lang ako ng iba. Napatingin ako kay Kobe pero umiwas siya ng tingin sa akin at hindi ko alam kung bakit.

“Camilla, dito ka na tapos na ako.”

Napalingon ako sa kaliwa ko si Nicko pala, nakatayo na ito at hinatak ang bangko upang makaupo ako. Napangiting tumango na lang ako at umupo.

“Camilla, paano mo naging kaibigan si Kobe? Ngayon lang kasi kita nakita.”

Napatingin ako kay Samantha at nasa tabi nito si Kobe, hindi pa ako makasagot dahil mga nakatingin sila sa akin.

“Nasa probinsiya at kababalik lang niya, magkakilala ang magulang nila ni Kobe. Tama ba, Brod?”

Napatingala ako kay Nicko dahil siya ang sumagot at nabaling ang tingin ko kay Kobe na simpleng tumango lang ito at mayamaya’y tumayo na.

“Tama siya, Samantha. Galing akong probinsiya.” Sagot ko na lang dahil mukhang naghihintay pa rin ito sa sagot ko. Kahit pa hindi naman talaga iyon ang katotohanan.

“Ok, sige. Maiwan ko na kayo sundan ko lang si Kobe.”

Umalis na si Samantha at naiwan ako at si Nicko na nasa likod ko pati ang isang lalaki na busy sa phone nito.

“Kumain ka na lang diyan.”

Muling wika ni Nicko na muling naupo at tumabi sa akin, kinuha ko naman ang kapehan na baso upang magtimpla.

“Ex-girlfriend ni Kobe si Samantha, pero mukhang nagbalikan sila.”

Natigilan ako sa paglalagay ng creamer dahil sa narinig ko, ngunit binalewala ko lang ito kahit pa may kirot akong naramdaman sa dibdib ko.

“Doon muna ako sa labas brod.” Paalam ng lalaki at tumango lang si, Nicko.

“Ayos ka na ba?”

Napatingin ako kay Nicko at napapitlag ako ng hawakan niya ang kamay ko at tiningnan ang sugat ko.

“Mabuti at mediyo at magaling na ang sugat mo, mag-iingat ka next time.” Sabi nito at tumayo na.

“Sa-Salamat, Nicko.” Tanging nasabi ko na lang at lumakad na ito palabas.  Parang nawalan ako ng ganang magkape kaya hindi ko na tinuloy ang pagtitimpla sa kape ko.

Lumabas na lang ako ng kusina at nagtungo ako sa may duyan kung saan malapit sa pool. Nakita ko si Kobe at Samantha sa pagitan ng mga puno habang naghaharutan sa tubig, minsan ay napapayakap pa sila sa isa’t isa.

Galit ka ba sa nangyari sa atin Kobe? Akala ko pa naman iyon na ang simula natin. Kailan mo rin kaya gagawin ‘yan sa akin?

Pilit na nilalabanan ko ang kirot sa puso ko habang nakatanaw sa kanila. Dahil tama lang itong nararamdaman ko na nasasaktan ako dahil ako naman ang may kasalanan kung bakit ako nasasaktan. Natanawan kong papalapit si Nicko at may paper bag itong dala, hanggang sa makalapit na ito sa akin.

“Isuot mo ito maligo tayo, bukas aalis na tayo. Para naman ma-enjoy mo dito.” Nakangiting abot nito sa paper bag na dala.

Kunot noong napatingin ako sa paper bag, inabot ko ‘yun at tiningnan ko ang nasa loob isang pares ng swimsuit pero parang hindi ko kayang suotin.

“May problema ba?” Takang tanong nito.

“Ha? Wala naman kaso di ako sanay magsuot ng ganito.” Napayukong sagot ko sa kaniya.

“It’s ok, subukan mo lang. Alam kong bagay yan sa’yo, tayo lang naman ang nandito kaya ayos lang ‘yan.” Nakangiting sabi niya.

Wala akong nagawa kung hindi isuot ‘yon dahil naisip ko rin na tama si Nicko. Kailangan ko i-enjoy ang magandang lugar na ito. Nagpatong ako ng pink na roba upang matakpan ang halos kita ng katawan ko. Pagdating ko sa may pool area ay nagkakatuwaan na sila habang may malakas na sound at mga nag-iinuman na sila.

Alas otso pa lang ng umaga inuman na naman sila?

Sa isip ko dahil parang wala silang sawang uminom ng alak, nakita kong umahon si Kobe mula sa tubig at naiilang na napabaling ako sa ibang direksiyon dahil bakat na bakat ang pagkalalaki niya sa suot nitong swimming trunk. Nakaupo naman sa may table si Samantha at suot ang napaka-sexy na panligo nito.

“Maupo ka, Camilla.” Nakangiting aya ni Adrian sa akin.

Tumango naman ako at nahihiyang umupo sa tabi ni Samantha, kasunod na naupo naman sa tabi nito sa Kobe at hindi man lang ako nito sinulyapan ng tingin.

Ang daming pagkain sa table mga seafoods na tira kagabi at kung anu-ano pang masasarap na pagkain na pulutan.

“Tara Camilla maligo na tayo ni Adrian.” Aya ni Nicko.

Napatingin ako dito dahil ang ganda rin ng katawan nito na katulad kay Kobe at gwapo niya ngayon. Tumayo naman si Adrian at sumenyas sa akin upang ayain na ako.

Nauna na sila sa tubig at ako naman tumayo na ngunit hindi ko pa tinatanggal ang robang suot ko dahil naiilang talaga ako. Kulay black ang binigay na sa akin ni swimsuit ni Nicko at bagay na bagay ito sa akin ng makita ko sa salamin at masasabi kong napaka-sexy ko dito. Pero hindi ko alam kung paano ako gagalaw dahil talagang hindi ako sanay mag-suot ng ganitong panligo.

Pagdating sa gilid ng pool inaaya na ako ng dalawa na lumusong na pero ako ito napapalingon sa kinaroroonan nila Kobe dahil nakaharap ang puwesto nila dito ni, Samantha.

“Come on, Camilla. Ang sarap ng tubig ang laming, tanggal ang hang-over natin dito.” Natatawang sabi ni, Adrian.

Walang nagawa kung hindi tanggalin ang pagkakabuhol nito at hinayaan ko itong bumagsak sa damuhan. Nakita ko na natigilan si Nicko at Adrian, napalingon rin sila banda kila Kobe kaya napatingin din ako doon. Nakita kong nakatingin sa akin si, Kobe.

Hinayaan ko na ‘yon at nagmamadaling lumusong na sa tubig, pagdampi ng tubig sa balat ko ‘ay talagang nilamig ako pero natuwa ako dahil pinatatawa ako ng dalawa at nakalimutan ko kahit paano ang malamig na pakikitungo ni Kobe sa akin ngayon matapos ng may mangyari sa amin kagabi.

Matapos namin magsawa sa tubig ‘ay pinasya ko ng umahon at naglakad papunta sa table, napansin ko na parang ang sama ng tingin ni Samantha sa akin. Nakalimutan kong kunin ang roba kaya naglalakad akong nakapang-swimwuit at ramdam ko ang magkabilaan ng pisngi ng puwetan ko ay nakalitaw na dahil sa hindi na ito maayos.

Umiwas ng tingin sa akin si Kobe dahil sa hinawakan ito sa pisngi ni Samantha at hinagkan sa labi. Nagkunwaring walang nakita ng maupo na ako.

“Ang sexy pala nitong kaibigan mo Kobe, puwedeng modelo.” Sabi ng isang lalaki na kaibigan nila.

“Tama ka diyan at maganda pa siya.” Dugtong pa ni Nicko.

“Model ako.” Sabi naman ni, Samantha at yumakap sa bewang ni, Kobe. Nagtawanan lang sila sa sinabi ni, Samantha.

“Cheers mo na tayo para sa birthday boy, Nicko.” Singit ni Adrian na inangat ang bote ng beer.

“Kahapon pa ‘yon.” Nakangiting sabi ni Nicko pero tinaas na rin niya ang beer niya.

Nakigaya na ang lahat at pati na rin ako masayang nag-iinuman na sila at bigla ko na lang naramdaman na may dumamping tela sa balikat ko. Ang roba ko pala pinatong ni Nicko sa akin.

“Salamat.” Mahinang sagot ko at tumango lang ito sa akin.

“Nicko, bukas isabay mo na lang si Camilla pag-uwi ihahatid ko pa si, Samantha.”

Natigilan ako sa pagsubo ko ng hipon dahil sa narinig ko at napansin ko na napangiti si, Samantha.

“Walang problema.” Sagot agad ni, Nicko.

Hindi na ako sumagot kahit gusto kong sabihin na dapat sabay kaming umuwi. Pero hindi ko na lang ginawa dahil wala akong karapatan sa kaniya. Kumikirot ang puso ko dahil nasaktan ako sa sinabi ni Kobe. Kaya itong karne ang napagdiskitahan ko habang hinihiwa ko itonng kutsilyo ng mariin hanggang sa nabitawan ko ito bigla.

“Shit!” Malakas na sigaw ni, Samantha.

Nagulat ako sa malakas na pag-sigaw ni Samantha, napalingon ako sa kaniya nakita ko na may dugo ang kaliwang hita niya na natamaan ng kutsilyo na nabitawan ko. Maliit lang siya pero alam kong masakit ‘yon. Galit na galit na tiningnan niya ako at walang sabi-sabi na bigla akong hinawakan sa buhok.

“You bitch! Tingnan mo ang ginawa mo sa akin!” Nagsisigaw na sabi nito.

Narinig ko naman na inaawat siya ng iba dahil patuloy siya sa pagsabunot sa buhok ko habang nakaupo ako. Hanggang sa napaghiwalay kami at nasa gitna si, Kobe. Masamang tiningnan niya ako at ang sakit lang dahil galit na galit ang nakita ko sa mukha ni Kobe.

“Come on.” Aya ni Kobe kay Samantha at pinupunasan ang luha nito.

“She hurt me babes, Look.” umiiyak na sabi ni, Samantha.

“Come on, gagamutin natin ‘yan. Stop crying.”

Umalis na sila at ako naman biglang pumatak ang luha ko ng yakapin ako ni Nicko pag-alis ni Kobe at Samantha. Sobrang sakit ng nararamdaman ko ngayon at gusto ko lang umiyak ng umiyak.

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25